Dekhte Jana Ali Akbar

Mur Mur Ke Mujhe Dekhte Jana Ali Akbar

Kuch Dair To Jee Le Tera Baba Ali Akbar

Tum Zeen Se Giro Ge To Badal Jaye Gi Duniya

Maqtal Ki Taraf Kaun Humein Le Ke Chale Ga

Qatil To Batayen Ge Na Rasta Ali Akbar

Beemar E Madina Ki Khabar Aati Hi Hogi

Tum Saath Liye Jaate Ho Beenai Bhi Meri

Main Kaise Parhun Ga Khat E Sughra Ali Akbar

Ho Jaye Ga Mushkil Mera Aana Mere Beta

Maqtal Mein Kahin Kahin Door Na Jana Mere Beta

Ab Mujh Se Chala Bhi Nahi Jata Ali Akbar

Ehsaas Tadapne Ka Hamare Tujhe Hota

Meri Tarah Tu Apna Jigar Tham Ke Rota

Tera Bhi Jo Hota Koi Beta Ali Akbar

Nana Mere Poochhein Jo Kahan Der Lagai

Keh Dena Ijazat Badi Mushkil Se Hai Pai

Lag Jao Galay Aa Ke Dobara Ali Akbar

Nana Gaye Jab Aayi Thi Amma Pe Zaeefi

Tum Jaate Ho Haalat Hai Ajab Bint E Ali Ki

Zainab Hui Jaati Hai Zaeefa Ali Akbar

Aye Laal Tujhe Karta Hoon Baba Ke Hawale

Maidan Mein Hanste Hain Kharay Barchhiyon Wale

Achi Tarah Phir Dekh Loon Seena Ali Akbar

Sar Peet Ke Maula Ne Takallum Yeh Sada Di

Hai Chadar Zainab Meri Ghurbat Ki Gawahi

Main Tum Ko Kafan De Nahi Sakta Ali Akbar